الليلة دى ماليها زي هنا سعد
جايه أقول
رمضان كريم
بس ربى حقيقى أكرم
……………..
اوعى تغفل ليلة منه
فتلاقيك من فضله تُحرم
………………
عارف مين مسكين بجد ؟!
اللى ضيع ساعة فيه
أو دقيقة بدون ما يشكر
……………
الذكى سهران بيطلب
ربى اعف عني واغفر
…………….
واجعل عتقي ف ليالى
النور إجابة
واستجابه
ف ليلة راضية
…………….
ليلة فيها طاقة القدر
حاضرة
……………..
نور بيخرج من بيبانها
واحنا نتوضا بأمانها
………….
والسلام ساكن مابينّا
طول ما ليلها لسه حي
…………….
والملايكة حراس علينا
شايفة عفو ربى جيّ
………………
هو ده شهر العبادة
هى دى ليلة السعادة
القلوب مليانة ضي
……………
الله حي
الله حي ناظر إلينا
مرة يرحم
مرة يغفر
مرة يعفو
الكريم من حبه لينا
يحلّي دنيانا ف عنينا
ويراضينا
الله حي
………………..
ليلة خيِرها بألف شهر
والثواب فيها جملة
والعبادة تساوى دهر
……………….
الليلة دى تاج الليالى
الليلة دى ماليها زي
التعليقات مغلقة.