اللي باع الكون عشانك… شعر وائل هيبة
اللي باع الكون عشانك
متبيعوش
واللي ساب الكل واختار يبقا جنبك
متسيبوش
يمكن الايام تزعل قلبه منك
أو يقولك كلمة مُرَّة
حتى لو جرحت مشاعرك
ابتسمله متجرحوش
الكرامة مش في جهلك
ع اللي منك
الكرامة إنه يبقا حتة منك
اوعى تنسى
إنه شالك وقت ضعفك
يبقا فين الأصل عندك
لما تقوى ومتشيلوش
والجمال لو كان في وشه
السنين دايما بتسرق
ويا أحزان الليالي
كل حاجة من الوشوش
الجمال انه ابتسلمك
مد ايده بطوق وشدك
لما كان
البحر مليان بالقروش
عيب يا ساكن عين حبيبك
يا ما شافك
ياما غما عنيه
عشان ميشفش عيبك
لما ييجي الخير يزورك
تعما عنه ومتشفوش
ده الوفاء مزروع في روحنا
والوفاء مبينجرحش
الوفاء مبيندبحش
مهما تعمل فيه الليالي
تخدشه شوية خدوش
قوم ونفض غدر قلبك
قوم وجدد تاني عهدك
قوم لفرحك قوم لحبك
الدهب طول عمره غالي
اوعى يغريك شئ مصدي
زينه شوية رتوش
التعليقات مغلقة.