اللي عايز يبقى جنبك شعر وحيد علي الجمال
اللي عايز يبقى جنبك
راح يعافر يبقى جنبك
من غير ما يعمل اي غاغه
حتى لو هيبيع حياته
من سكات راح يقدمها رخيصه
من غير مايحلف بالهوى والذكريات
واللي عايز يرمي قلبك
مش هيفضل تاني جنبك
حتى لو قدمت عمرك
له ثمن
هوه مش عاوزك خلاص
اوعى ترخص حتى لو روحك
هتخلص
عش عزيزا جوه نفسك
اللي فاضل م الحياه
وان قابلته تاني صدفه
سيب ما بينه الف سكه
سيبُه يفرح باللي باعك
واشتراه
كله كان بينكم ومات
مش بقولك اي حاجه
والطلب ده عادي جدا
مش زياده
اوعى تتشعبط في حد
وهو مش شايفك بجد
مهما قلت ومهما عدت
مش هيفهم معنى حبك
لو ماكنش قلبه دايب في هواك
وحيد علي الجمال سرس الليان محافظة المنوفية
التعليقات مغلقة.