المشكلة مش ف الشيب …
بقلم شيماء عادل
المشكله مش ف الشيب
المشكله لما نشيب
مين هيحب روحنا
ويطبطب على جروحنا
ويلم بواقينا
ويداوي آلام روحنا
كبرنا رغم صغر السن
جراحنا من صغرنا بتئن
ولا حاسين ايه فينا
جراح طالت ورافضه البوح
وضحكه ع الجراح بتنوح
وقلبي م السكات علم
هشيب وجراحي جوايا
ومين علي جرحي هيسلم
هينسو او هيتناسو
ف الحالتين هكون وحدي
ف عجزي ساكته وبسلم
بأمر الله هكون راضي
مهما كنت بتألم
هشيب والشيب هيقتلني
عشان الوحده هطولني
يا عالم حد هيزورني
او الدنيا هتلهيهم
ماهو طبع عايش فيهم
جيل ورا جيل
انا مشغول
هعيش وحدي وهدعيلهم
يكتر رزقهم دايما
ولما اموت هيدعولي
ربي يرحمك امي
التعليقات مغلقة.