المصري وقت الجد
سيد حجازى
كنا في فسحه في يوم الحد
مجموعه رجالة شهامه وجد
كان عباس وعبدالعاطي وكان
حواس وصهره معاطي وحنا وجرجس واخويا محمود وصهره أسد والسيد واحمد وانا محسوبكم مجد
كان تفكيرنا في عودة سينا
وكل أحلامنا تعود أراضينا
وسهرنا لحد صلاة الفجر
وفوق الجبهه سمعنا دعاء الشيخ نصر
وهوا بيدعي وهوا بيبكي لأمنا مصر
اتسحرنا وشدينا الشدة وهدفنا النصر
لحد الساعه 2 الظهر كان ساعة الصفر.
بدأنا الحرب وكنا وحوش كتبنا تاريخ من ماس منقوش
ضربنا مثال لأقوي جيوش
هزمنا غرور العدو وجبناه الأرض
نقصنا أتنين معاطي وجرجس راحو مع بعض
وإختلط الدم المصري الطاهر لجل الحد
لا فكرنا في الأديان ولا في فرق بنا بجد
ودي رسالة لأي جبان مايعرفش المصري
وقت الجد
سيدحجازي
التعليقات مغلقة.