المعنى قاضي …
معوض حلمى
إبدر حروفك ضي في الملكوت
والمـعنى قاضي وماسك الدفه
يغـلي الكـلام الحلو زي التوت
والغث بيموت وهـو في اللفـه
فاوعاك تماين يوصفوك هلفوت
بـين الخـلايـق تمـشي تتكـفـى
كـل الكـلام مرصـوص قصايـد
بعض الكـلام في الـروح سكن
فإياك تكون في الضلمه صايد
وتفــــوح حــروفـــك بالعـفـــن
خليـك كنجـم وميـضـه قـايــد
داوي اللـي قـد صـابه العـطـن
وحده اللي باقي حي بعد الموت
وحده اللي باقي وعادل الكفه
الشاعر ….. إذا أصبــح وطـن
ــــــــــــــــــــــــــــــــــــــــــــــــ
بـقـلــمـي الـفـــلاح الـفـصـيـح
مـعوض حلمي / منشأة بطاش
تـمـي الأمــديـد / دقـهليـــــه
التعليقات مغلقة.