الموت بريء
قلم/ عبير عبد المنعم
إوعاك تموت في طيف تابوت
ملهوش وجووود
إوعاك تخاف
لا مرة واحدة تنكسر
ياليل طويل فين السبيل
فين الحاجات المفرحة..
بنموت ساعات جوه السكات..
مع اننا رافضين نعيش
رافضين نصاحب الخطر ..
رافضين نبوح بالأمنيات
وحلمنا نصحاله مرة وننتصر..
خليك ثبااات جاهز تعيش
واعزف أنينك ع الوتر..
إوعاك تموت في طيف تابوت
ملهوش وجود
وانسى الهزيمة وافتكر..
كل اللي خاف م المعطيات
محتاج دليل محتاج صراط
يعدي فوقه م الخطر ..
علشان تعيش لازم تموت
لازم تعيد حسابات
كتير محتاجة منك للنظر..
أوعاك تموت في طيف تابوت
ملهوش وجود
واكتب خلودك ع القمر
التعليقات مغلقة.