الميزان …بقلم مدحت رياض
اسأل نفسك قبل ما تسأل
امتى الحال هيروق
إنت مقصر ولا هتفضل
م الايام مسروق
راجع نفسك واوعى تقولي
أنا م الناس مخنوق
ولا تعاند او تتكبر
إصحى لحجمك فوق
ربك يغفر ايوة ذنوبك
بس يرد حقوق
للي ظلمته واللي حرمته
نفس الكاس هتدوق
أصل الموت لا بيعرف منصب
ولا فيه عنده فروق
حاسب نفسك قبل ما فجأة
وقت التوبة يفوت
مهما تطول وسط الدنيا
لازم يوم هتموت
لو بكورونا ولا بغيرها
أصل مفيهش شروط
حاسب نفسك مليون مرة
وانصب الف ميزان
قبل ما صفحة عملك تكمل
وتروح للرحمن
وافضل فاكر دايما انك
زي الناس انسان
التعليقات مغلقة.