الندم وجع لا يفارق الروح
بـ قلم أسـمـاء الـبـيـطـار
هتتحمل اي ألم في الدُنيا .
اي وجع .
اي فجيعة في فراق .
و لكنك لن تتحمل ألم ( الندم )
كلمة يا رتني عملت دي صدقوني ابدا مش سهلة .
لو في إمكانك تعمل حاجة إعملها بدون تردد خصوصًا للناس
اللي ما تتعوضش .
اللي بيروح بيروح من غير وداع .
بدون سابق إنذار .
بيروووووح و للأسف بدون راجعه .
بدون فرصة للتفكير إنك تراجع نفسك .
و لو إحنا مش عاملين اللي علينا بيسيب جوانا وجع
ما لوش دوا للأسف .
كلمة يا ريت عُمرها ما عمرت بيت و لا بترجع الزمن .
شوفنا ناس كتير بيبقى وجعها إنها مش قادرة ترجع اللي كان و لو لحظة واحدة .
لحظة أجلت إنها تشوف ناس
لحظة كسلت ترفع سماعة تليفون
لحظة أجلت فيها كلمة أسف و لو ليوم
لحظة كنت متأكد إنك غلطان و بتكابر
لحظات كتير بتمر إحنا أولى بيها إننا نقدر حتى نعيش و نفتكر ذكرى طيبة ، نضحك شوية ، و نبكي شوية .
لكن متبقاش لحظاتنا كله بُكي و ندم و تقل في النفس و الروح .
و الحمد لله حتى يبلع الحمد منتهاه .
حين تشعر بالرضا و طمئنينة النفس إنك لم تُقصر .
الإحساس دا لوحده كفيل إنه يبرد قلبك .
التعليقات مغلقة.