النـدل بقلم فتحى نجم

النـدل بقلم فتحى نجم

النـــدل معـروف تمامـه
ملعــون فــي كـل مكــان
بيبــخ شـــر ف كلامــه
مكـروه من زرع الغيطان

النــدل شيطـان خنـاس
بين الخلايق بميت ذمـه
يامـا بـاع وخــان نـاس
والأخـرة مـزمـوم ورمـه

النـدل جـارر فــي توبـه
قيراطين رخامـه ونـدالـه
المكـر ساكــن فـي نابُـه
الــــذل والــعــار نــــدالُـه

النـدل طبـــــاخ لِسـمُـه
هايـدوء مــرار الكـــاس
راح يتعطــر فـي همـه
ويضيـــع مابيـن الناس

النــدل يعجـــن فطيـره
مـن بخـلـه ياكل وينـكر
يشرب في مِسقة طيره
لا عمــره يحمـد ويشكر

النــدل حتـــي ان عِـلا
وضيـــــع مابين ناسه
والكـرش لـو يتمــــــلا
مايعرف يشيـل فاسه

النـــــدل ينكـر جميلك
طبع الخيانه فـي دمـه
في الوش يقبل جبينك
الضهر يرشـق ب سمـه

النــدل كـذاب وخايـن
يقلـــــب الحـق باطـل
يلـــدع ويعمل كمايـن
غـدار ويفضل يماطـل

النــــدل يخلف وعوده
سايق شيطانه وسارح
عمال يقفلط في عوده
ولسانه شقرف وجارح

الندل ساكِك في خيـره
والقلب مختـــوم عليه
بخيـل حتـي ب طيـره
والنار راح تشــوي فيه

النـدل قابـلـه بتجاهل
تبعـد تعيـش مـرتــاح
اوعـاك معـاه تتساهل
يقلـب حياتـك مـراح

النـدل خسـاره سلامه
قفلت مـلايكــــه ودان
بالكــره علـــــم عيالـه
في كل أمــوره مـدان

يونيه 2022