الهجرة بقلم..وحيد علي الجمال
كنت فاكر زي غيري
إن هجرة يعني هجر
ظلم طايح في المكان
يعني عجز واستحالة
يأس طالع جوه بأس
قلب حاقد ع الرسالة
بُغض ساكن جوه شر
سهل وصفه بالأشر
زاد فى وعده بالوعيد
خلا مكه سجن نارها
من حديد
والامر نافذ بالرحيل
الهجرة كانت أمر فرض
الظلم مهما يكون دا هالك
صاحبه كان لسه في ضِلُّه
بيزيد في حرصُه م الطغاة
سد ما بينهم وبينه
بين ايديهم خلف منهم
يغشي عينهم عن بهاه
وزيادة في الذل ومهانة
حط فوق رأسهم تراب
الغار سكينة كان بيحضن
مصطفاه
أرض تانيه راح تشوف
النور في ثانية
والعقيدة هي مفتاح
الحياة
بره يبقى زي جوه
خلي قلبك فيك مرابط
بكره كله في الميزان
كل واحد له كتاب
ياخده بيمين او شمال
يارب جنبنا سقر
وكل ألوان العذاب
الجنة تبقى لنا وطن
والمستقر بدون حساب
الرحمة يارب بعبيدك
هي نجاتنا م العذاب
الهجرة هجر للمعاصي
والذنوب
كل فعل ف أصله نيه
ارجع وتوب
ربك ملوش بواب وسور
خليك بريء من كل فعل
وكل صاحب
كان طريقك للجحيم
خلي بالك م النهاية
والمصير
بالنواصي خدنا ليك
للطريق مستقيم
وحيد علي الجمال سرس الليان محافظة المنوفية جمهورية مصر العربية
التعليقات مغلقة.