الوحدة الوطنية…
السيد عتش الدمنهورى
ــــــــــــــ
يا ولدى فوق
سد الشقوق
مسلم مسيحى
عايشين سلام
الله أكبر
الله محبة
المعنى سامي
رمز الأمان
الشعب كله
ف صف واحد
والوحدة
من شيم الكرام
حتى الهلال
حضن الصليب
بحب صادق
مش كلام
ف الفرح
نتجمع سوا
نهنى بعض
وكلنا
ننسى الخصام
الحزن
يجمعنا ف حنين
والقلب صافى
خالى من غيام
وف ناصية الشارع
ابنك وابنى
ةبشرى واقف
ويا عصام
وفى الملاعب
حب وتعاون
شنوده يلعب
وأخوه هشام
وفى المدارس
الكل جالس
الاخت مارى
بجوار ريهام
وف الكنيسه
وقفت اصلى
فرض حل
وكنت مأموم
او إمام
والصورة دى
بقلبى عايشه
جسد جميل
لحم وعظام
وانا ف خيالى
سهرت افكر
ان العداله
من غير صدام
اصل الوطن
للكل واحد
على وسطنا
زى الحزام
ــــــــــــــــــ
كلمات
السيد عتـش ( الدمنهورى )
التعليقات مغلقة.