الوطن بقلم الشاعر محمود فوده
مش بس كلمــه نحكــي بيها على الشفـايف
الوطن معنــاه حمايه لكل قلب لقيته خايف
يعنى لما احكي عليه عن جماله الكل شايف
يبقى لازم من قلوبنا نِدِّي له تعظيـــم سلام
شف معايا عَلمْ وطنا في السما النسر واقف
التحية عشــانه فـرض عمرها ما تكون كلام
إللي عاش على أرضه ضحى عشــان مقامه
هو مأمن كل واحد في الحياه حضن الوئام
إللي ضاع منه الوطن يبقى لسـه فاضله إيه
عيشته فيها كل يوم زي ليل في ظلامه دام
بس حلمي لما فكرت ان أكمل فيـــه عشانه
بلقى ألف من الإيدين ليــه تمــدني للظــلام
خلـوا نـــور الشمس تظهــــرلـي فــي زمـانه
هو سعة الكون ودايماً دفعـوا عنه بالســـهام
عشقه بقى دوا للقلوب أيو فيه دايمـاً ندوب
حبه هو في الحقيقه أولــى من حب الغـرام
بس ليــه العـدل فيه مات بحكمُه ولا ناسـي
ولًا توب الحقد زايد ليــه ما بينا فيه حــرام
الوطن قالوا انه دايماً كل شئ قــوه وعـزيمه
يعنى شبهنـي كجندي عاش وحـامل للسـلاح
قولت ادافع عن ترابه لو لاخر يوم في عمـري
أنهي فيه روح العدو وقت ما يقولوا استبـاح
الوطن هو سلاحي طول ما لسه القلب صاحي
يبقى درعي وقت شده قبل ميكون فيه جراح
لأ دا وطني قولت أبقى فداه بدمي لأ بولــدي
يعنى لما تكون مواطن عالِّي في راية الكفـاح
أو تدرب مـره روحــك للحمايـه عــن دفاعــه
يبقى وقتها قم ودافع قــم وحى على الفلاح
قــم ودافع عن وطن فيـه التعالب والديــابـه
قسموه وكأنه غابه وكل شئ بقى فيــه مبـاح
هو باب الخيـر ف أرضه يعني بوابة الـسلام
لســه فيه الخير طريقه نوره واصل للنجــاح
كل دا علشان اكون لك يا وطن عاشق ترابك
قلي ليه زرعت أرضك شكوتي بحبوب لقاح
أصل عاشق للنــهايه برضه حبـي مش كفـايه
بروي فيــك بالحب واطرح كل آماني الصباح
حتــى لو بعــزف حروفي كلها فيك ع الكمان
ولَّا برســم لك بضحكه تكـوي نارهم بإنشكاح
كل حرف كتبتهولك شــدنــي باحساسـي ليك
سبني اكتب عن وطن شايفه دايماً في انفتاح
بس عمري هكون فداك مهما يحكولــي عليك
يلَّيِ سجنك وقت ظُلمي عندي أوسع م البراح
بس ليه عمرك ماقلت مره واحده اني شـريك
وانت عارف اللي منهم كان بيبكي واللـي ناح
وان عايشها عشانك مش عايشها عــال عليك
إللي يزرع بذره يقطف ورد يطرح عطـــر فاح
فكر انت في يوم تحن ولو بكلمه تقولــها ليَّ
إللي شايل هم وطنه يبقى عمر ما تعبـــه راح
إللي كان حمال آسيه واللي عاش لنفسـه هـي
ليه مقلتش ياما عـــانا وفيك عايشها بارتياح
أصل توبــــــه مـن الكـــرامه تــــوب بيحمــي
حتى لو كان توبه دايب بس في طبعه السماح
مهما كان الفقر آنسُه بس وطنـــي عنده حميه
لما شــاف الظلـم سيطر قـالها قلبـــه لما صاح
الوطن معنــاه سكـن روح وعاشـــقه الاتحــاد
إعرفه وقت المحـــن يحـرسك لو فيـــه نـزاح
لســه حبــل الود واصل شـــوف لآخــر البـلاد
الكلام عنـــه بيكتـــر دي الحقيقه مش مــزاح
الوطن فيه عيش وفكر وان مهما تغيب تلاقي
حضنه لسه بيحتويك تنسى فيه ألم الجــراح
———-:———-:———–
من ديوان إبنك يا مصر
التعليقات مغلقة.