الى امى .ضحكتك هيا هيا. بقلم..اشرف الشناوي
جنب قبرك
لسه يامه
فيه براح
فاسمحيلى
يامه اقعد
واشتكيلك
م الجراح
اشتكيلك
من حبايبك
اللى باعنى
واللى راح
حاسه يامه
نبض قلبى
م الوجع
عارفه يامه
لما اجيلك
واشتكيلك
قلبى يامه
بيتوجع
بس حاسس
يامه ايدك
ايوا بطبطب
جراحى
ايوا حاسك
وانتى يامه
فى دنيا تانيه
رغم بعدك يامه
عنى
ماليه كل فراغ
براحى
ايوا حاسك
ضهر ليا
ضحكتك زى
ماهيه
لما اجيلك
واشتكيلك
قلبى بيحس
بامان
والقى خوفى
جوا منى
كأنه يعنى شئ
ماكان
والقى قلبى
يدق يامه
بانتظام
والقى روحى
طايره منى
زى مايطير الحمام
عمرى يامه
ماحد غيرك
حس بيا لما بتزيد
الالام
كل يوم يامه
هاجيلك
واشتكيلك
فافردى كفك انام
دخلينى جوا
حجرك
نفسى احس
بيوم سلام
صدقينى ياحبيبتى
كل شئ بعدك
كلام
كلام
كلام
التعليقات مغلقة.