اليوم الآخير قصيدة عامية بقلم / وحيد علي الجمال
قبل ماتقوم القيامة
لسه فاضل بينا يوم
هو آه مش عمر كامل
بس عندي بالف يوم
كنت بحلم لما يجي
يبقى هربان م الهموم
زي طير البحر فارد
ريشه فوق موج الغيوم
واقدر اطوي م الخطاوي
نص فوق الارض ماشي
واللي باقي منه عوم
مش هضيع منه حاجه
مش هسلم للظنون
نفسي اصور لما يجي
كل ثانيه وكل ساعة
وابعت المبث المباشر
للإذاعة
والسعادة تبقى لحظتها
زيادة
اسالوا عنه اللي شافه
بس شاف الموت وعاين
اسالوا الميت بجد
لو سمعتوا منه رد
قطعي توب الكفن
شدي في خدود الحياة
اللي كان بعد السكات
نفسك تشوفه وتعرفه
منظر الدود اللي واكل
جتته
كنت مكتوب في البطاقه
جوه خانه المشاعر
نص شاعر
افتح جوازك للسفر
واكتب في قلبه اللي
انكسر
وارسم عليه ختم
الرحيل
كان يوم ثقيل
دفتر الجامع سطور
مش شرط تثبت فيه
صلاتك
المهم تكون حضور
مقدرشي يثبت كذبته
أو يقدملك دليل
سن القلم حدد حدود
المسطره
خلى الإجابة محددة
النوم كبس ونسيت اتوب
ومفيش مابينا
عذر مسنود ع الذنوب
بحلم بلحظه تتغفر
رغم السدود
وارجع اشوفك
في الشتاء
من غير عيوب
قبل ما تقوم القيامة
لسه فاضل بينا يوم
التعليقات مغلقة.