الي أمي بقلم أحمد زيدان البلياتشو
امي عندى حاجه أولي
عن طفوله و عن علام
عن عياطي بدون كلام
قبل صوتي في يوم يطلع
بطلة الموقف بحاله
تفهم اني عاوز أنام
أمي لـب الإنسانيه
مهما بعمل من مصايب
تقوي بيا و تعفى عني
و ف زعلها مني ترضى
امى هي الجاذبيه
لو تشوفني في حاله تانيه
كل ثانيه تقولى مالگ
لو حياتي ميت قضيه
تعمل الشاى في العصاري
نص فينو و فلفل اخضر
نبدأ القعده بحكاوي
متهم ماثل أمامها
حكمها يكون بالبراءة
قبل ما تسمع كلامي
امي ربع جرام قساوه
ملكت الحنيه هي
امي كوكب السعاده
ملكت الكوكب بحاله
في الطفوله كنت حاوي
قرد متشيطن مخاوي
مهما جلها من شكاوى
كانت امي تحب فيا
كل صوره وحشه عني
و مهما بعمل من بلاوي
حسنها دايما ساترنى
الاصيله و الجميله
و الحنونه الهاديه هي
غنوة تسمعها بكيانگ
روح عبير الورد هي
التعليقات مغلقة.