الْلَيل شعر .. حسن أبوعرب
حُط النُّقَط فوق الحروف
وابعِد عن اللى يقُول ياخوف
وارفع جبينَك فى السما لا تنحِنِي
خليك قوى
وانصُب ميزان العدل دايما واشتِرِى
اِكسَر لشُوكة المُفتَرِي
مرسوم على الليل السِكُون
والشَّدِه لام اياك تخُون
وان غاب عن الدنيا القَانُون
الفَاتحَه للقلب الحَنُون
ولشَمس رافضه للكسوف
بالضَي حِلفِت ميت يمين
وبعزم موصول لايلين
لَتدَفِّي قلب الشَقيانِين
وتحرر الأقصى الحزين
ارفع رايات الانتصار
دى الفَرحَه ساكنَه فى الديار
شايفِينهَا فى عيُون الصغار
صَبِيَّه فى اديها الچيتار
بتغنى اناشيد النهار
والسُهَدا واقفين بالصفُوف
دُقواالدفوف..
التعليقات مغلقة.