امسك في حبل الله…..بقلم اشرف الشناوي
شاعر عاميه البرامون المنصوره
اتمسك بحبل الله
ماحد بيه اعتصم
او ضل مره وتاه
ماتسيبش حبل الهوي
ياخدك في يوم وياه
تتوه في بحر الأمل
ماتجيبش مره مداه
ربك دا عمره ماكره
غير اللي يوم يعصاه
بلاش في دنيا الوجع تنزل بحورها تضل
الشمسه هاتحسها لو يوم عرفت الضل
والورد قبل الشوف تلقى العبير بيهل
اوعاك تتوه في الحياه او رجل فيها تذل
الطاعه ليه عزتك ولغيره شرك وذل
اتمسك بحبل الله هاتعدي منها سليم
واشكيله عن بلوتك هو اللي بيها عليم
هاتعدي كل المحن وتخطي عالازمات
الأمر من ربنا تتهز له السماوات
هاتحس طعم الرضا بالصدق والدعوات
ربك م انام او غفل عن نصرة المظلوم
ولا شال بايده العطا من كفة المحروم
ولا شال بايده الغطا عن طالب في يوم الستر
ينزل ينادي البشر قبل السحر والفجر
هو اللي رص النجوم وزان سمانا ببدر
يرمي الامل والهنا ويحس بالموجوع
يرزق جميع الملل ولا حد مات م الجوع
ارمي الحمول واتكل
عالمولى والخلاق
قسم بعدله الأمل
والعمر والأرزاق
نزل ايات محكمه
بتنادي بالاخلاق
تغسل قلوب البشر
من شرك والا نفاق
ربك يحب العمل
من غير دهان وزواء
التعليقات مغلقة.