ام الكون …بقلم أندرو فرج عاشق نيلها
قالوا سمرا وبهية
ومكحله كحل ربانى
كل اللى شافها غار
وقال دى لازمانى
ياما ساقوها الويل
والكل عليها جانى
خططوا ياما يوقعوها
أستخدموا كل الاسامى
راحت مخططاتهم فشلت
وراحوا واحد ورا التانى
قالوا نيلها نبع حياتها
ومن غيره هتموت
اتفقوا عشان يموتوها
بنوا عليه سدود
ربنا من جوده عليها
فاض بخير غير محدود
قالوا كيف نكسرها
نعبر عليها الحدود
جيشها نهض ووقف
وحلفت الاسود
حدودنا خط احمر
واللى يعديها يموت
مصر
مصر ام الكون
ومقبره للي يخون
منذ الازل حاميها
رب الكون
مصر ديما عامره بناسها
وفاتحه احضانها لكل
غريب ولكل من وطنه
محروم
مصر ثقافه حضاره منذ
الازل مصر فرعون
كل العالم فيها أحتار
والنهارده جايين يبتدوا
من عند ما أنتهي فرعون
مصر ام الدنيا
مصر ام الكون
مصر ثقافه وفنون
التعليقات مغلقة.