انا المقتول على بابك…
عصام أديب
انا المقتول على بابك
انا المقتول على بابك
ومن دارك بياخدو عزاي
وأنتي الواخده تعسيله
وع السيره بتتاوبي
ولا داريه بمقتولك
برمش عنيكي دابحاني
وبتقولي دامات من ايه
ياغازله م الورود شوكه وسلَُاعه
فصدري كنتي راشقاهم
دا عمري راهنتو بالساعه
تعيشي معايا فالطاعه
لحب يكون لنا جناحات
يطير بينا لسابع أرض
يعيش فينا كسنه وفرض
ونتوضى بمية صبح من ريقه
وأبريقه بيسقينا بمشروبه من الجنه
محدش فينا يتجنى
ويقتل مُضغته فينا
ويكبر هو فعنينا
وبعنينا نشوفه في عيون الناس
يقيم لينا من رضاه قداس
ويرشمنا بزيت الحب والاخلاص
فنتعاهد على الألفه
نعيش الحب بالعفه
فالاقيكي فأول عاصفه بتشقي
حشايا وعضمي ووريدي
لعزالي فيوم عيدي
وانتي الساكنه في مسامي
تموت المضغه في أديهم
وعضمه لسه ما نشفشي
فكيف يكون لُعزْالنا حواجز صد
وأنتي ال عايشه فبحوره كمد وجذر
فموت بحصره في هواكي
وفوق ارضك يقيموا عزاي
كتبها عصام اديب 21/6/2022
التعليقات مغلقة.