انا كده بقلم عبد المنعم حمدي رضوان
طول عمرى عايش بين الناس
ٱقول نعم وحاضر
يمكن زهقوا منى الخلق يعنى
مفيش غير حاضر
لا أحب ملامه ولا عتاب ولا
بفتح للخلق محاضر
لو تسال عالحق أجاوبك عمر.ى
مكون للحق ناكر
دوغرى صريح لالف ولادوران
أحب أجيب م الآخر
من حق الكل يقول رأيه في لا
أنا مانع حد ولا حاجر
رأى الخلق وهم أحرار بحترمه
لا متشاكس ولا متناحر
راضى بقدرى وبرزقى المقسوم
حامد ربى وشاكر
الأرزاق بإيد الله يقسمها بفضله
على أيه نتناحر
لا بحشر نفسى فى شئون الخلق
ولا لعيوبهم ذاكر
جميل الخلق على راسي عمرى
مكون لجميلهم ناكر
لو يوم تسديلى معروف أفضل
ممنون منه وشاكر
وبحس بالآم الناس وٱوجاعهم
وقلبى بالخير عامر
وبراعى مشاعر كل الخلق وأخاف
اجرحهم وبحاذر
بالتمس العذر لخلق اللة متسامح
ولأخطائهم عاذر
مهما كان الجرح اليم يتداوى
فوض أمرك لله القادر
حده
التعليقات مغلقة.