انا مؤمن بهذا الدين بقلم وحيد علي الجمال
وليه لايم على الماضي
وبتحاكمة
فضلك ايه عشان تصدر
عليه حكمك
عشان يعني طلع كداب
في حواديته ومواضيعه
ودوبنا كتير يعني في دباديبه
وحلى الدنيا قدمنا وعشمنا
مسودهاش في خلقتنا
ولا كسر مجادفنا
وادينا عرفنا أنه كان كداب
وكان عامل م الفسيخ شربات
راجع دلوقتي بتلومة
بتسلخ جلده بهدومه
ولو قاضي هتديله
كمان اعدام
اظن الصورة كدا عجباك
بدون فلتر ولا مكياج
سواد في سواد
بقينا في الهباب احباب
وكل اللي اشتكى منها
كانوا ديابا
وفيه منهم نمور وسباع
قصص قلبك إذا عاشها
يشوف القصر في العشه
فتتحول حياته حته
م الجنه كأنه امير
مافيش في الماضي
اي فراق
ولو يعني حصل مرة
بيبقى اكيد بقى مرة
ود استثناء
تملي بيكسبوا العشاق
حاضركوا اكيد
د كله عيوب وكله نفاق
فكان لازم يكون طرحه
واخد منه صفات وجينات
فشل حبك مع خبتك
حاجه تخصك
ولو كنتم ثلاثه اجيال
مهش خدعة هتسحرنا
لكن حدوته لها عبرة
لها نهاية بتوتة ملتوتة
قلوب صافيه مهش قاسيه
في ايدك تبقى بسكوته
ورغم أنه في جبروته
بيبقى عنتر المغوار
بيخطف عبله بحصانه
ولا فارس من الأساطير
تاريخنا حقيقة مش فالصوا
ويشهد له صلاح الدين
ويوم حطين واكتوبر
مهش يعني علينا بعيد
كبرت وشوفت بعيونك
صراخ اطفالنا ف فلـ.سطين
ماتقلقشي
د وعد الله كدا قرب
هندخلها وهنحرر أراضيها
وراح نرفع رايات الدين
وعزتهم هتقلب ذل
انا مؤمن بهذا الوعد
انا مؤمن بهذا الدين
وحيد علي الجمال
التعليقات مغلقة.