انا مسامحك… بقلم اشرف الشناوى شاعر عاميه المنصوره البرامون
انا مسامحك
وهاستحمل كمان جرحك
وهاستحمل وجع قلبى
مادام لسه الهوى ذنبى
اللى عشت انا بيه
ومهما الجرح كان قاسى
هافصل منه تاج راسى
وهاعملك مقام حواليه
واوفى الندر وادبحلك
كمان روحى فدا لايديه
هاسمحك مهما قال الناس
واظبطلك وتر قلبى
على الاحساس
والملم خوفى جوايا
وهقفلك على ظنونى
بمية ترباس
واغنيلك ميتين غنوه
كلامهم لسه بينبت كدا
فى الراس
وهاعملك انا ونفسى
واشواقى على قصرك
طابور حراس
واعدى كل يوم يمكن
اشوف طيفك
ورا الشباك
او اسمع حتى همسايه
اعيش بيها وبكفايه
اكون وياك
هاسمحك حتى لو وجعك
بيدبحنى مريحنى
وجودى معاك
بلاش تتكى عالقلب
اللى داب فى هواك
بلاش تجرحنى من تانى
عشان جرحك
مالوهش علاج ………….
التعليقات مغلقة.