انا مش هعالج نفسي م الوحده
شيماء عادل
ما تستناش قلبي اللي زايف ضحكته
يرجع يصالحك وقت لما تعود
السكة مش سالكة
والزيف نزف وخالفت كل الوعود
و عود بخور الموده دخانه ما فادتنيش
عمت قلوب الاحبه
وبقيت يا ضلي مافيش
زينت بيك كدبتي
وقلت غير الجميع
كنت سبب وحدتي
انا مش هعالج نفسي م الوحده
ماهي برضه احسن من لمه كدابه
مالقيتش فيكم نبض يحييني
الضمه زايفه
وحضنكم غابة
الضحكه عاده
منوره السكة
وف كل حته
صوت الهزار ف وحدته يتمادى
شارب حلاوة مرك العلقم
بضمير يحلي لون فرحتي الباهته
سكران بعاند ضعفي وياهم
بحضن حشايا الروح
متخشبه قلوبنا
صبحت بلون الوجع
لما العما صابنا
علقوا المحاليل لقلب موجوع م الفراق
ما تركزوش ويا الوجع
ما فرقش يوم ويا اللي سابو قلبنا
ما تزودوش ١٠٠ كلمة ع اللي اتقال
لو ع الكلام
من ظلمهم ممكن نقول موال
أقسمت لك بالله
ما تسبني وتفارق
لضمت خيط الوجع
وسبتني وحدي
وقلت لي لو جدع
دوس ع الوجع واحبي
لو راضي بعمايلك
كل الوجع مردود
غيرت كل الردود
وسمعت نفسك بس
وخالفت كل الوعود
حَرًمت قلبك يحس
شيماء عادل
التعليقات مغلقة.