انا مين انا شعر / رباب الجورية
ال جي يقولي كوني ليلي
كوني ضيي ونور سنيني
صبي من قلبك ارويني
كوني نيلي
وكأنه مش شايف أنيني
وجع السنين باين ف عيني
ناحت الحزن راسم جيبيني
..وبالدموع. .. معصوبة عيني
أنا مين أنا
أنا أرض بور.
نابت الزرع من غير بذور
والسوس بياكل في الجدور
والقلب عطب مالفتور
وبرغم ألف وألف سور
الوردة نبتت بين الصخور
متبصليش.
ماتقولش أني ببيع واعيش
أنا عايشة ع الدنيا تهميش
أنا ضهري محني ماشيلنيش )
اناصوتي دَبحُو كلمة مفيش
انا سَلفة ضحكة متضحكنيش
أنا كسر عيييييييش
مستني دوره عشان يعيش
انا مين انا
مغروس في قلبي كل الوشوش
من برة تضوي بالنقوش
من جوة لونها كيف الوحوش
انا حيطة دايبه
انا نص شق ونص بوش
انا دايبه دووووب
ومعَلِمة في جسمي الخدوش
مش باقي مني
مش باقي مني غير رتوش
انت شايفني من جوه مين
انا عايشة ف الدنيا بروحين
ومضفرة ضلوعي ب أنين
وملضمة النبض..بخيطين
وملبسة الجلد وشين
وش بيضحك للسنين
ووش يبكي عالسنين..
انا جوه مين
انا جوه مين ؟!!
انا فالوجع ليه ضلين
مدبوحة احلامي بنصلين
في مرايتي دايما في شقين
وبرغم لابسة انا الف توب
عريانة روحي
وبرغم لابسة انا الف توب
قاسم البرد ضهري نصين
متبصليش
وتقولي أني ببيع واعيش
انا لسه بدري
علشان اعييييش
التعليقات مغلقة.