انا و انتي بقلم أحمد زيدان البلياتشو

جديد

انا و انتي سنين
ماشفتش حياه !
ف الدنيا الغابه
ديابه وناس قادرين
انا و انتي غلابه و مش حاسِين
انا و انتي رضينا و مش عايشين
في بلاد الله ، تايهين ضايعين
بنقول يا نجاه !
الحزن طبيب
انا و انتي رهان ، في سباق ، يا نصيب
فضرورى الاحلام تسرقنا
و طبيعي الايام تسبقنا
عايشين علي حلم الفرح قريب
انا وانتي ظروف
انولدت لأجل تحارب خوف
ف تعالي انا عازمك علي ضحكه
مرات بتفوت ، وكتير بتموت
ف تعالي احكيلك عن بكره
محتاج تسكين جارحي المكبوت
الاجدر بالضحكه الجايه
ألمك يا سكوت
انا صايم
قبل ما يوصل شهر الصوم
انا وانتي غرقنا في بحر هموم
الخوف شواف و الشوف خواف
انا وانتي سنين ظلمت مظلوم
ف تعالي انا وانتي نغمس حاف
و الحق بيركع للمقداف
و العدل جفاف
ف تعالي نعيش كما الخفافيش
نلعن أيامنا المهجوره
باكين و بنضحك ف الصوره
و نخاصم شمس في كل نهار
و نعيش كرامتنا المكسوره
ف تعالي احكيلك عن بكره
محتاج تحسين علاقات بالكوم
الاجدر بالضحكه الجايه
جارحي المكتوم
هنوصل ياما و ه‍نحصل
هنشرق ياما و ه‍نغرب
و نحارب مغلوب أو غالب
و يحاصر روحنا الحزن حياه
و يخاصم فينا الفكر هناه
و نعيش معاناه
انا و أنتي حياه ماشفتش حياه