انا و هيه بقلم أحمد زيدان البلياتشو
و حرفيا ب نتخانق
في كل دقيقه ( 100 ) مره
و لسه بحب تفاصليها
و أغني لها و تعشقني
منا و هيه
عهدنا الحب
تزعلني ( 200 ) مره
تلين مره
تدوبني
و تخسرني أمام مباره
و في الفاصل بتكسبني
منا و هيا نسيج الصوف
بنتدفي في بعضينا
و يكفينا الفشار بالليل
و كوب الشاى
و اشوف غيرك يا حلوة ازاى
و انا عايش في تكوينك
وعاشق لون عنيكي السود
وعزف العود
ب يحلالي علي شعرك
وانا برسم تفاصيلك
وهيه سعيده بالغيره
و ب الحيره في ليل الشوق بتهمس لي
و تتجمع …
گ طفل وليد في أحضاني
و انا عيل قصاد منها
بلحن بليغ بغني لها
يا من ملك روحي بهواه
ترد اللحن بالنوته
الأمر لك طول الحياه
و هيه الواحده هتعوز ايه
غير الحضن اللي ه يسعها
يكون هو السند ليها
يغطيها في برد خريف
في نار الصيف
گ ضل ، و نسمه ، و رديه
و هيه تصونه في غيابه
يقوم في السجده يدعيلها
التعليقات مغلقة.