انا يوم ، اتنين ، اسابيع ، و شهور …

أحمد زيدان

انا يوم ، اتنين ، اسابيع ، و شهور
وسنين تنعد و تملي بحور
انا جوا ظلام ، الليل ، مسجون
اكرمت الحزن ، بضحكت وجعي
من كتر الضحك بقيت مهموم
مش فارق جدا والله
السما صافيه أو فيها غيوم
انا نفسي أقابل ناس شاربين ينسون
عاملين حالهم ك غيامة صيف
ولا بلت ف الأرض خيالهم
الظل النابع من عينهم ف القسوة خفيف
ناس ف حياتهم
بيحبوا لبعض يا ناس الخير
يقعدوا مع بعض بطيب نيه
ولا قال و لاقيل
يبقوا ف حالهم
ع اللي جري لهم ما يقولوا للغير
جو اللمه حاجه مهمه
لو جوا الناس الملمومه ، إعراب بضمير
الجو ربيع علي شكل خريف
الشعر ساعات بيكون تخاريف
الوزن خفيف
لكن مضمون الحكي نضيف

البلياتشو

‏