انت المطلوب بقلم.وحيد على الجمال
من بنك الروح
أنا هصرفلك
آخر إحساس
وهجبلك عمري
يشهدلك و يكون
ضامن و يكون
سداد
مش لازم تكتب
في حسابك
و لا أي شروط
راح أسبلك
روحي مع قلبي
من غير باركود
إسحب في
مشاعري
و أحاسيسي
كدا ع المكشوف
أنا عمر الحب
اللي ساكني
لا هيمرض
أبدا في بعادك
ولا حتي يموت
هي الحكايات
اللي مابينا
محتاجة ريموت
بتقلب فيها
و بشتقلك
و لا حد هيقدر
يمنعني
لو حد حدود
أنا شيفك دايما
جوايا الدنيا
بحالها و مافيها
و السكر دايب
في خدودك
دايما مظبوط
و سؤالي عليك
مش محتاج له
و لا أي جواب
مهما المسافات
تبعد بنا الهوى
غلاب
الشوق أنا زارعه
في بساتينك
بيزيد فدان
و بخافك تسمع
تنهدتي و يكون
لها صوت
لا يصيبك بس
اللي صايبني
والفرحة
في عينك
م الخضة
تزعل و تموت
و بحبك أيوه
يا واحشني
يا أبو قلب
طروب
العالم جنبك
و لا حاجة
التعليقات مغلقة.