” انسان غلبان” كلمات/ هالة علي ابو الذهب
انت اللي جِبته لروحك
لما نسيت روحك
فاكر نفسك قوي؟
عكازك جدره خايب
داير ع الناس تعايب
وانت عبد القوي
م تفوق قبل اوانك
ياللي صميت ودانك
عن نُصح كل ناصح.
عامل ابو العريف
وانت عقلك خفيف
ولا يوم كنت فالح
الدنيا لها صاحب
م انتش لوحدك فيها
دور على مين تصاحب
عِشها واتهنى بيها.
وان جت في يوم عليك
اديها ضهرك وطنش
اعمل اللي عليك
وبلاش ع الكون تكوش
خلي نصيبك منها
محبة كل الناس
دا الحب اللي زاينها
وستر رب الناس
التعليقات مغلقة.