انس وجن
سامح لطف الله
حاجة تعفرت حاجة تجن
عندي العلم وعندي الفن
كله ف راسي كل دا علمي
وانا مبسوط إن انا م الجن
علمي يعدي للمستقبل
أنا من نار انا برضه الأفضل
والانسان ولا يوصل علمي
نفسه لجن ف يوم قال يوصل
حيلك حيلك يا ابن الجن
لو كان صح ولو كان إن
ما شفنا حكيم الدنيا يسخر
ملايين منكم ولا بتون
على عكازه واقف متسند
شبعان موت وانت متجند
تبني تغوص تعمل محاريب
وقصور دنيا كمان بتشيد
نقل العرش ف غمضة عين
بعلم بفهم ولا شياطين
اقوى كتير من مليون جن
علم وفهم إيمان بالدين
اوعى تصدق في العفاريت
واللي يسخر جن وسيط
واللي يقولك عندي حجاب
يشفي لمرضك يخرب بيت
سامح لطف الله
التعليقات مغلقة.