اهدى حبه شعر… أشرف الشناوي
أهدى حبه دا المحبه
مش كدا
حبه حبه تلقى قلبك
من غرامه اوام هدا
الغرام لو زاد بيحرق
كل الوان الرضا
لو فى يوم
حسيتى نبضك
سيبى قلبك
للى حاسك مش كدا
خايفه ليه م الحب قولى
دا الهوى لو مس قلبك
تلقى قلبك فص لولى
افتحى الشباك وغنى
تلقى فرحه مزوقاكى
تلقى حلمك جنب منك
تلقى روحك مش معاكى
وافرشى ليلك امانى
احلى شئ فى العشق لما
تحسى قلبك عاد انانى
حبه حبه صدقينى
العشق عمره ماكان
شيطانى
دا الوجع فى العشق عاده
لو هيبقى حتى ساده
ضحكه واحده م الحبيب
اى جرح اكيد يطيب
دا الهوى من غير امل
احلى أنواع الغرام
واللى عشقه داب فى قلبه
عمره مابيعرف ينام
أهدى حبه دا المحبه
حاجه اكبر م الكلام
حبه حبه تلقى قلبك
حس وبطعم السلام
سيبى قلبك وفى غرامه
غيه تشغى بالحمام
مهما طار راجع وشايل
حب يكفى الف عام
فوق جناحه م الغناوى
الف غنوه م القدام
افرشيهم فى البنانى
تلقى فيهم مية امام
اهدى حبه دا المحبه
ليها برضه كام ادان
حبه حبه تلقى قلبك
زى عصفور الغيطان
شاف عيون الشمس غنا
نط قلبه م الجنان
سيبى قلبك فى المحبه
تحس روحك بالامان. …………..
اشرف الشناوى
شاعر عاميه
البرامون
المنصوره
التعليقات مغلقة.