اه يا وطن … شعر عبد السلام عبد النبي
اه يا وطن
لمين يكون العتاب
لمين يكون الهمس
لمين اغني غناوي الحب
من تاني
منين ح تعزف يا عود الحب
الحاني
مساحات من الضي
بتلمع مع التهديف
مساحات من الضي
بتقتل في زمن الخوف
وايه تكون المساله
نطق العدو ارضي انا
وارض جدي اللي فني
ومصير بلاد الحب دي
لازم يكون ملكي انا
لما دم الحزن ينزف
ع الرمال
الرمال حتبقي نار
علي اي حال
وقطره الدم اللي راحت
يا وطن
ح تبقي نار ضد العدا
طول الزمن
ح تبقي شجره
غل سوده والثمن
حزن واسي
وجراح اليمه والوهن
الله اكبر
قوم وقولها للولد
الله اكبر
عزم قوه صمود جلد
الله اكبر
دم عربي للابد
التعليقات مغلقة.