اوعي تتخلى عن حلمك ..
بـقلم أسـمـاء الـبـيـطـار
اكيد ما فيش حد فينا عنده حلم بيسعي لتحقيقه بيتمناه و ساعات بيشوفه نجمه بعيده في السما
كتير مننا بيحكي عن حلمه بطريقة عابره ما بيتكلمش عنه بحب و انه
في يوم من الأيام هيوصل ليه ساعات بيبقى احباطك منك فيك
مش لازم يكون في مؤثر خارجي زي البنى آدمين اللي بتموت حلمك قبل ما يبتدي بكلامها و بنظرتها التشاؤميه و بتقليلها من قدراتك و حكايتها إن في حاجات أولى
اوي ارضي بوضعك كده انت احسن من مين يعني
طيب مين كان يصدق ان هيبقى في اطراف صناعية و هتقدر تمشي
مين يصدق إنك بعملية زرع قوقعه تقدر تسمع
مين يصدق إن ذوي الاحتياجات الخاصة
من اذكى الناس و ليهم طاقة و قدرات تفوق قدرة البشر العادية
و بيدخلوا بطولات و بيتفوقوا فيها
مين يصدق إن إنسان طول عمره بيشتغل في محلات و انه في يوم هيبقى صاحب محل
مين يصدق ان في واحده بتكتب كلمتين في اجندة هتكتب في جريدة في يوم من الأيام .
صدق نفسك و آمن بيها قبل أي حد ما فيش حاجة بعيدة طول ما في يقين جوانا طول ما إحنا واثقين في نفسنا و في قُدراتنا طول ما اليأس ما دبش جوانا و هد روحنا امسك في يقينك بنفسك بأديك و سنانك لأنك صدقني في يوم هتوصل .
التعليقات مغلقة.