اول العمر بقلم محمد سعفان
لما كان العمر لسة ف اوله
والخطاوي بتجس نبض الطريق
كان ليا حلم
كان نفسي يكون سند
كان نفسي يكون صديق
لكن بذور الشقي
الطرحة ف سكتي
دايما بتسرق ضحكتي
ودوس ع الحلم
لو حب يشوف القمر
او يصاحب النجوم
وانا ما اقدرش اعوم.
و الموجة عالية
والبحر مليان حيتان
وانا عمري ما كنت حوت
انا من صنف البسارية
لقمة سارية لأي حوت
كل لحظة تفوت بااموت
وروحي ف الفضا برة
فعا لم السكوت
والحلم مخنوق
مش قادر يفوت.
التعليقات مغلقة.