ايام زمان.بقلم.سامح سامح
نفسي ارجع لأيام زمان
حضن بيت مليان امان
بيوت قديمه بس راحه
والضحكه فيها ماليه الحيطان
نفسي ايام زمان دى ترجع
واسيب الأيام اللي توجع
وارجع صغير لو ليوم
وافضل العب واضحك لحد ما اشبع
البيوت قديمه وكانت طين
بس كنا فيها مرتاحين فرحانين
القلوب طاهره ونقيه
مليانه حب ويفيض منها الحنين
هات لي ناس وشوشها بتضحك
والضمير صافي جواه بتسلك
هات لي ناس عزوه وضهر
مهما مال الزمان واقفه جنبك
بيوتنا اه كانت طين بس امان
لا ليها سور ولاحديد ولا بيبان
وصوت الضحك واصل لحد الجيران
ايوه طين بس واقف زى الصوان
نفسي ارجع بالزمن عدة سنين
نفسي اشبع جوايه الحنين
نفسي اشوف الفرحه في العيون
ودعوه حلوه من قلوب ناس طيبين
Sameh Sameh
التعليقات مغلقة.