بأمرك اِلهي شعر السيد الشيتى
بأمرك اِلهى بنصحي
نشوف النهار
وعايشين بسترك
أمل واِنتظار
نفَتّح عنينا
ينادي علينا
حنين الديار
بننسى جروحنا
وبنشوف فرحنا
ف عيون الصغار
ونحلم ببكره
مفيش حد يكره
ولافى دمار
نخضر بلدنا
ويفرح ولادنا
بأرض العمار
بأمرك لوحدك
مفيش حد غيرك
بأيده القرار
بأمرك بيصحي الامل
ف المريض
وتزرع أماني
ف قلبه العنيد
ومهما يعاني
وجرحه يزيد
ترَجَّع حياته
كأنه وليد
بأمرك اِلهى
بننسي الهموم
ولاالحزن باقي
ولا سرور يدوم
وحر النهارده
وبكره غيوم
وعايشين حياتنا
يدوب يوم بيوم
التعليقات مغلقة.