باحلَم بقلم : حسن أبوعرب
باحلم بسماكى
تعُود صافْيَه
أنا باحلم
دايما برجُوعِك
وبلُقمَه هنيَّه
تكون كافيَه
تِطْعِم وتأَمِّن
مِن جُوعِك
وبشَربَة مَيَّا
تكون وافيَه
والصحرا تخَضَْرها
زروعك
أنا باحلم بالشمس الدافيه
والشوق الساكن
فى ضلُوعِك
وِلْحَضَرِك عاشق
والبَاديَه
والحب يعشش
ف ربُوعِك
وتعُود لِك مِن تانى العافيَه
قناديل وِتنَوَّر
بشمُوعك
أحيانا باحتَار
فى القَافيَه
وبتهرب لو تجرى
دموعِك
كم مُوجِة ظُلم
وكات عاليه
ياما حاولِت تِكسَر
فى قلوعِك
وسفينتِك للفجر
دى ماضيَه
نحميها وأجسادنَا درُوعِك
ياصَابرَه ومِن صَبرِك
راضيه
ياشجره والكُون
دا فرُوعِك
بنحِبك يا امَّايَا
ياغاليه
والكُل فداكِى
وف طُوعِك
التعليقات مغلقة.