باعتذرلك…بقلم الشاعر اشرف الشناوي شاعر عاميه البرامون -المنصوره
باعتذرلك
عاللي حاصل
م الافاضل والكرام
م السياده والا أصحاب
المقام
باعتذرلك عالخيانه
عالنتانه عالهيافه
في الكلام
باعتذرلك والله يرحم
برج مليان بالحمام
باعتذرلك عن سكاتنا
عن صواتنا
عن صراخنا
عن دموعنا و الابتسام
باعتذرلك عالجوامع والبيوت
والعيال اللي في عيونها
مات عياطها
من بياتها في الخيام
باعتذرلك عاللي جاعوا
واللي ضاعوا
وسط اطنان الركام
باعتذرلك ياحبيبتي
عاللي مالين الحانات
واللي مالين البارات
وانتي واقفه
هناك لوحدك
وسط سيل نازل دانات
والكلاب عماله تنهش
والديابه نازله هات
باعتذرلك م السياده
واللي قاعدين
بالالاده
عالكراسي الفورتيهات
باعتذرلك بالنيابه
عن غلابه
قلبهم دايب حنين
لما شافوا الدم نازل
فوق جبينك
والرحى من غير طحين
قالوا يحرم زادنا تاني
حتى لو غمسنا طين
بس يبقى القدس لينا
واللي حارسه الطيبين
……………..
التعليقات مغلقة.