” بالعامية المصرية لأم الدنيا ” شعر /صبري الصبري
مصر الحبيبة في جوه قلبي
با اخاف عليها من الخفافيشْ
..
كانت سليمة حلوة ورزينة
فيها أمانها حتى العريشْ
..
وجه عليها وحش بفساده
فظيع وضارب قرش حشيش
..
جعان مخربش لص وجبان
جراد بياكل ميخليش
..
هجم هجومه بغدر بجنونه
وهوه قاصد ميخبيش
..
وقمنا نلحق مصر ونصول
نجول بشعب وشرطه وجيش
..
لقينا فيها جهول معاند
عاوز يلفلف مصر في خيش
..
ونار في إيده بيحرق سعيره
حضاره عاليه فيها نقوش
..
دي هجمه غادرة أوباش وفيها
تتار .. مغول .. وحلق حوش !
..
قتل جنودنا ,, وداس حدودنا
عاوز يخلي مصر نعوش
..
همه الأعادي .. وهيه بلادي
لابد مصر بعز تعيش
..
دي مصر غاليه عاليه وشايله
سيوف تحارب مكر وحوش
..
خرفان وصوفها صوف مبلول
غربان عليها خبث وريش
..
عمَّاله تنعق مرة تمأمأ
شغاله شغلانة تشويش
..
روحوا وسيبوها مصر بلدنا
فيها اتولدنا وغيرها مفيش !
التعليقات مغلقة.