بالعامية …لمصر المحروسة المحمية بقلم صبري الصبري
كفاية عك يا إخوانا !
كفاية الرعب جننا !
وبهدلنا
وخبلنا
**
كفاية عك يا مدهولْ
باقولها لكل مستهبل
وبيدمر
وبيزمر
وبيبهدل !
كفاية عك ارهابي
وحرق ونسف لاصحابي
ودلق الخوف على بابي
كفاية نار بأعصابي
**
كفاية عك
باقولها لمن يفهم معاني القول !
كلام فالح كلام صالح … لمن عاوز لمصر وصول !
… لأمن الناس كما الأول ! ..
وعيشتهم بحب وود ما اتحول !
وعمر الدم يا أهلي وياناسي !
هيبقى ميه انا افكر عزول ناسي !
دا مصر الخير مبتحبش دموع فيها !
دي ضحكتها جمال النيل بيرويها !
وبادعيلها إله الكون ينميها
ويحفظها
ويسترها
ويحميها !
التعليقات مغلقة.