باين هاحبك…أحمد منصور
الفرق كان بيني وبينك مش كتير
علشان كبرت على الحصيره بدون سرير
الأكل كان جبنه أريش .. ولوءمه ناشفه إسمها عيش .. والميه في أوله وزير
باين هاحبك ولا أيه .. في الحب ماعرفش السوتيه .. أو أبقا چنتل ولا بيه .. لأني عايش من زمان ..ع الفطره وف وسط الغيطان .. ولا حد ألي إنت إسمك ايه ..
فلاح بئا .. واخد على الغيره والشئا .. وبصحا بدري أفطر واطير .. ولا عمري يوم هلبس حرير .. عشان هدومه ديئه
دنياكي دنيا مبهواءه .. فيها كل حاجه ملزءه .. ولا حتى فيها طعم لشئا .. والأعده آال كرسي فوتيه
ومين هايتغير عشانه ..الحب.. أو يرضا لزمانه .. وينسى شيء نشأ عليه
باين هاحبك ولا أيه .. والحب ماعرفش إنه لِيِه .. دقات جميله في القلوب .. لو حد دأها لازم يدوب .. ينسا الحصيره والهدوء .. يفطر مشبك والغدا يبقا بنيه
باين هاحبك ولا أيه.. والبسلي بدله ملمعه .. وأعيش يومين في المعمعه .. وانسا اللي يوم كنت عليه
هاسأل سؤال ؟ ياهل الغرام .. يبقا حلال ولا حرام .. ولا اسمه ايه……
15/10/2020
التعليقات مغلقة.