بتخونها ليه …
بقلم أشرف يوسف
بتخونها ليه؟!!!
غنوه جديدهبقي ده بدال ما تحبها؟!!!
بتخون وتكسر قلبها؟!!!
طب تعمل ايه لو هي يوم
خانت و غيرك حبها؟!!!
إللي انت ماتحبوش لنفسك
ليه تحبه يكون لها؟
فين هو ده عمال تقول
ولا حد قدك حبها؟
بقي هو دا الحب اللي كان
كان جوا قلبك من زمان؟
بتبيع و تظلم قلبها
وتخون وتخدعها كمان؟
إنت اللي بعت هواها من
أول طريق
تظلمها ليه و تقولها
إنك بريئ؟!!!
هي اللي تستاهل عشان
تعبت أوي وعاشت معاك
تكدب عليها في كل شيء
وهي تبقي مصدقاك
حس بعذابها و ضعفها
لو كنت حنيت للرجوع
ليه تمشي في طريق يبتدي
بنهايه آخرتها الدموع؟!!!
وان عيشت من غيرها أكيد
هتحن ليها من جديد
علشان وجودك في الحياه
من غيرها مش هاتكون سعيد
من غيرها مش
هاتكون سعيد الأربعاء بتاريخ ٢٠٢٢/٣/٩م
بقلم الشاعر : أشرف يوسف
من ديوان : دموع و ألم
التعليقات مغلقة.