بتعبد الفكرة بقلم.. محمود رأفت
بانام عشان يمكن
في الحلم اشوف بشرى
عشان بقى الممكن
يبقى اللقا ذكرى
وادي الحياه بتروح بينا على روحة
م الوحدة مجروحة القلوب
وقافلة باب بكرا
يا ديني ع الدنيا اللي بتقسي القلوب وبتجرحك
بتسوّحك وتشد فيك
تغويك تعوم وبتدبحك
تموت غريق للحلم
بس العِلم لما بيلمحك
تعيش بتعبد قسمتك وبتعبد الفكرة
طليت على باب الكريم أنعي له في همومي
واشكي له قسوة غربتي، غريب وفي هدومي
واقول ياعالم إيه هايحصل لما هاتقومي
يا قيامة يمكن يبقى فيكي الخير وحقي يعود
ومن عذابي ولهفتي لقيتني باتودود
مع اللي باع واللي انكفى في السكة واتمدد
واللي بتغويه الحياه بالخُلد بيخلّد
في عقول بتشرب م الكلام الوهم طعم الدود
بانام عشان يمكن
في الحلم اشوف بشرى
مالقيتش جوا الحلم غير
وشوش كتير كشرة
التعليقات مغلقة.