بتموت ف سكوت
بقلم أحمد زيدان البلياتشو
دليل إثبات …. و استئناف
ل قضيه قديمه
و ليها معارضه
برئ كداب … شهود ف غياب
قصه حزينه و فيها مجازفه
مش خسرانه …
ولا كسبانه
و الأقوال كلها مش ناصفة
زى خسارة غاوي حمام
نصيبك كام من الأوهام
هجر خصام بعاد و ملام
وانت مجرد شئ متشاف
او بتخاف و اكيد خواف
هات الصوره من البلاتوو
اشجب عارض غني ياهوو
طيبتك زعلك ندمك اسفك
كلوا بيشهد ضدد برئتك
ورا الكواليس …
مع المحابييس
في كالون الباب ….
ختم ل أحباب
و انت ورزقك ….
ماهو رزقك بختك
كأنك أخرس
و الصوت متحاش …. دفاع بكاش
طاحونه و دايره …. بترس و باش
حبيت اوباش
لما محامي النقد اترافع
الحق مجاش ….
دليلك ضعف ….
دليل يشبهلك ….
خفيف الوزن
مستخفف حبك
قضيه منافقه …. قاضي مرافعه
اعدام ميت …. الروح مش راضيه
الظلم اهوه بَين عشماوى حنين
اداك الموت …. وانت يا خبتك
التعليقات مغلقة.