بحبك موت ..،كلمات رضا ابوالغيط
بحبك بس مش عارف
أقولها ازى
وقلبى منى متلغبط
ورايح جاى
أقولها بعينى ولعينك
ما شوفتش يوم انا غيرك
قولى لى ازاى
وانا تايه مع الننى
ورمشك والله جننى
يا بكره الجاى
أقولها بقلبى ولقلبك
حلمت أعيش انا جنبك
قولى لي ازاى
ونبض القلب تاه منى
وكل صحابى حاسدنى
ببكره الجاى
تقولها ايديا لإيديكى
انا ملكك انا ليكى
قولى لى ازاى
ولمس ايديكى دوبنى
وحبك والله توبنى
أقول الآى
بحبك بس مش عارف
أقولها ازى
وقلبى منى متلغبط
ورايح جاى
ده لو قلبى سكن ف تابوت
ما عاد ينفع معاكى سكوت
بقولها لك ومن قلبى
بحبك موت
يا بكره .. وبعد بكره الجاى
التعليقات مغلقة.