بحر المجامله غنوه شعبيه للشاعر :أشرف يوسف
بيقولوا إن الدين حقيقي
في المعامله
والحق تاخده لو يكونلك
عند نمله
وانا شايف ان الناس خلاص
عِمْيِتْ قلوبهم
والعدل بينهم غرقوه في
بحر المجامله
الله أكبر عللي فعلا باع
ضميره
والحق ياخده من فلان
يِدِّيِه لغيره
تايه يا عيني و الحياه
وخداه معاها
لكن هناك في الآخره آاااااه
لو شاف مصيره
ما بقاش بيفرق أي لون
بقي كله عادي
لِسْوِدْ وِ لَبْيَضْ زيهم
يبقي الرمادي
ياخساره بتبان عالوشوش
الطِّيِبَه لكن
جوا القلوب يا للأسف
بنشوفوا فاضي
الجمعة بتاريخ ٢٠٢٢/٦/١٧م
بقلمي : أشرف يوسف
من ديوان : دموع و ألم
التعليقات مغلقة.