بدل المية ألف خاطرة لأسـمـاء الـبـيـطـار
لما بشوف صورة الولاد و البسمة مليا وشهم
بجري أجيب صورة أبويا لما كان زيهم
لكن الفرق بينهم كبير
أبويا حارب اليهود
لكن إنتم حاربتوا مييين ؟
عدوا خفي أكيد أجبن منه ما فيش
لو كان فيهم راجل
كان وقف و شاف شجاعة كل ولد
و هو واقف ماسك سلاحه و لا أشرس أسد
و ما كنت هتعرف ” محمد من ابانوب ”
أصل الدم واحد مصري و أصيل
و جشنا راح يجبكم لو في سابع بير
اصلكم يا دووب تتعدوا عد
و إحنا عندنا بدل الولد مية و ألف
هو راح شهيد و عند ربه حي يُرزق
شهيدنا حي ف كل قلب
لكن انت هتعيش جبان و تموت كلب
و لو تشوف قوة قلبنا
يمكن تدفن نفسك حي
و بدل الألف هتلاقي مية ألف
آه صحيح ..
هو هيتلف ف علم مصري بنسر
و هيتصلي عليه بالقرآن و الإنجيل
لكن إنت ملتك تبقى إيه ؟؟
التعليقات مغلقة.