بدون عنوان بقلم الشاعره عبير عبدالمنعم
يانُص النفس لو مسموح..
نقول ع النُص ده
مجروح..
ياضلع اخضر في جنب الروح
ومين يسمع نداك
بتنوح..
اخاف تلمح عيونك خوف
واخاف للفرقة
تسكنا
بخاف م الغربة جوه القلب
ومر الدمع
يقتلنا
فبرسم ضحكتي بالضي
واصب اللهفة
ميييية مرة
ماهي مُرة اعيش وحدي
وحواليا الضلوع
ياما
شقوق العتمة ساحبة النور
وشايلة م العبير
اسمه
وفارده فوق جبين البوح
شراع رافض
يبوح باسمه
لكن من شكله صبارة
وماده الشوك
تقولش مدار
وانا درويشة في السكة
وصاحبة كوم
من الأشعار
التعليقات مغلقة.