برئ منك بقلم الشاعر أحمد زيدان
مع الموجه
زمان عايم
و متشعبط في عرض اليوم
و بتلخبط
كتير بالكوم
تشيلني الموجه بهمومها
لانا بسمع صراخ منها
ولا برسي ولا بعرف
اكمل عوم
ولا بغرق
و لا بعرق من التجديف
انا منك بشوف الويل
ولا بعدك بشوف النوم
ولا بنسي ولا مليت
من التحديف
ولا بقدر
في بحرك اعوم
حضنت همومي جواگي
بفرحه حزينه بعشقها
وكل ما ايدي تلقاگي
بضيع منك
برئ منك
و بتحمل و انا راضي
و بتجمل و اكون عادي
و بترجي و بستني غرام كداب
يا نص عذابي بارادتي
يا متمكن اوي مني
يا شوق نصاب
مع الوحده انا مكمل
كأن دواگي في عذابي
كأني شيء ولا يهمك
وانا منك برئ منك
انا هااا أنسي
و ه أتحدي جنون قلبي
و هعلن خوفي من بكره
اكيد ه أكره
حياتي معاك
يا نص حكايه وهميه
يا متردد تكون ليا
انا سبتك
و حبيتك و خبيتك و خليتك
في قلب الذكري تلقاني
ضمير تعذيب
لانا غايب ولا حاضر في بكره اكيد
مع الذكرى متذكرنيش
مع الماضي بلاش تسرح
وفي القربه بلاش تنفخ
و تتعشم و تتلثم
و تتمكيچ و تتدارى
و تتنكر في كدب جديد
خلاص الجلسه مرفوعه
و منقوعه سنين الصبر
خلاص صبري طفح ب الكيل
و شفت الويل كتير منك
صحيح بهواك و بحتاجلك
لكني كرامتي تلزمني
ما أنا إنسان اكيد زيك
لكن زيك مشوفتش حد ،،،،
يا شوك وردك
ودمع الخد يشهدلك
علي غدرك
بخاف منك ،،،، برئ منك
التعليقات مغلقة.